Nə vaxt isindim ki sənin oduna,
Gedən həsrətin məni dondura?!
Bu yolda nəyimi itirmədim ki,
Səni itirməyim məni yandıra.
                    ◦◦◦
Bir hesab qalmadı səninlə daha,
Mənimçün qapanıb bitmisən artıq.
O saxta o gülünc məhəbbətinlə,
Düşüb ürəyimdən itmisən artıq.
                    ◦◦◦
Daha bir sözüm yox, söz deyim sənə,
Uzaq ol, gözümə görünmə, təki.
Bir damla saf eşki gördün mənə,
Mən səndən nəyimi əsirgədim ki.
                    ◦◦◦
A yolum üstündə göyərən dərdim,
Sənə deyiləsi sözüm qalmayıb.
Bir vaxt gözlərimi qaytar deyərdim
Yanılıb demişəm gözüm qalmayıb!
                    ◦◦◦
Yoluma atılmış qara daşmısan,
Bir də o yollara dönmərəm daha.
O qədər gözümdə ucuzlaşmısan
Çəkdiyim acılar səndən çox baha.
                    ◦◦◦
Bu necə taledi yazıldı mənə,
Qələmi sınaydı yazı yazanı.
Mən sənin cəzanı verə bilmədim,