Düşmən gözünə qor, nəsil davamçısı ,ana – bacıya təəssüb, elə
 arxa – oğul dünyaya gətirən analara
Və ilk oğul sevincini – Sabiti bizə bəxş edən ömür –
gün yoldaşım Əzizgülə
 
 
Deyirlər ki, dünyada
İki müqəddəs şey var:
Vətən, bir də ki, Ana.
             ◦◦◦
Bizdə üçdü bu cahan,
Bizdə üçdü bu dünya -
Vətən, Ana, bir də Sən.
Niyə süzüb gözünü
Başını yelləyirsən?
Heç nə anlamır kimi,
Baxıb gülümsəyirsən.
             ◦◦◦ 
A gözümün işığı,
Könlümün yaraşığı,
Bu gün müqəddəsləşib,
Göylərə ucalmısan,
Qoşulub Analara
Sən də ana olmusan...
             ◦◦◦
İki müqəddəs vardı,
Vətən, bir də ki, Ana
İndi üçdü bu cahan
İndi üçdü bu dünya.