Hacılara həst edirəm.

Düşündükcə  təntiyir,
Dəyişir dönür halım,
Həccə gedən qardaşım,
Ayaq saxla nə olar,
Həccinə qurban olum.
Yüyürmə gəl dalınca,
Hər gümanın bəlkənin,
Üzərindən keçdiyin,
Bu zavallı ölkənin,
Hər qarış torpağında,
Neçə-neçə ac yatır,
Ayaq saxla qardaşım,
Ellər qınayar.
Batman gəl, ağır otur,
Milyonlarla dərd yatır,
Hər dərdinin içində,
Dağ boyda, dağ biçimdə.
Neçə-neçə insanın,
Tükənib ümidləri,
Ömrü günü qaradı,
Həccə gedən qardaşım,
Getmə qurbanın olum,
Oralarda nə işin,
Sənin həccin burdadı.=
Analar var nə vaxtı,
Qaçaq düşüb çörəyi,
Təndirindən, sacından.
Analar var, körpəni,
Ovundura bilməyir,
Süd quruyub döşündə,
Neçə vaxtı acından.
Nə əlsiz, ayaqsız,
Səfalətlər içində,
Əriyir ac-yalavac,
Onlar göydə Allaha,
Yerdə bizlərə möhtac.
Bəlkə bir tikənizdən,
Ümüdsiz bir xəstənin,
Canına can gələcək,
Bəlkə bir tikənizdən,
Südü qurumuş ana,
Qovrulan körpəsinə,
Bir gecə süd verəcək.
Kor olub görə bilmir,
Bu millətin dərdini,
Millətin «harınları»,
Həccinə quzu kəsim,
Heç olmasa bircə an,
Sevindir sən onları,
Doydur ac qarınları,
Aradığın o illət,
Sanma ki uzaqdadır,

Sənin hər ziyarətin də,
İbadətin burdadı,
Kimə lazım o rütbə,
Kimə lazım o ad-san,
Əgər ki, haqq əhlindən,
Niyə samanlıqda bəs,
Sən iynə axtarırsan.
Haqqa gedən qardaşım,
Haqq budur, əməl budur,
Aradığın ziyarət,
Yaşadığım ölkədə,
Hər daşın altındadı.